xoves, 21 de marzo de 2013

SALVADOR BOTELLA


Salvador Botella Rodrigo, naceu en Benifayó, Valencia (España), o 27 de marzo de 1929.
Ciclista de pedaleo elegante e clase indiscutible aínda que cun palmarés escaso ás súas posibilidades. Correspóndelle o indubidable honor de ser o primeiro ciclista español que vestiu a maglia rosa do Xiro de Italia, o 22 de maio de 1958, onde ademais logrou dúas vitorias de etapa. Na Volta a España obtería unha vitoria de etapa e proclamaríase nunha ocasión vencedor da clasificación por puntos.
O seu historial un tanto notorio dentro do mundo da bicicleta iníciase a partir da década dos anos 50. Onde tivo que loitar nunha época difícil dado que debeu enfrontarse con contrincantes de certo rango como Bahamontes ou Jesús Loroño.
A súa elegancia no correr, o seu estilo depurado aínda nos momentos difíciles que ofrecía a estrada, cando serpenteaba pendente cara arriba. A súa figura parecía non desfallecer ante o esforzo e o seu semblante aparecía sempre inmutable, impenetrable, frio. Pedaleaba con tesón e cunha vontade escondida. Daba gusto o albiscar o seu airosa e ata desenvolta silueta.
Por outra banda, axudou con fidelidade aos seus compañeiros de equipo cando fixo falta; é dicir, tamén pedaleaba para os demais. Destacando as veces que fixo de lanzador do veloz Miguel Poblet, nos últimos lances decisivos dunha chegada en gran pelotón. Na clásica Milán-San Remo do ano 1959, Miguel Poblet débelle moito ao valenciano naquel inesquecible triunfo.
Profesional de 1952 a 1962, durante os cales logrou 27 vitorias. En 1962, definitivamente deixou de pedalear para dedicarse máis abiertamente aos seus negocios. Aínda que todo hai que dicilo sen moita sorte.
Foi Presidente da Federación Valenciana de Ciclismo entre 1966 e 1979, e vicepresidente da Federación Española.
Faleceu aos 77 anos en Ribarroja do Turia, o 17 de decembro de 2006.
TRIUNFOS: 1953, Volta a Cataluña, máis unha etapa.
1954, Volta a Levante, máis unha etapa e a Bicicleta Eibarresa.
1955, Trofeo Jaumendreu.
1956, a Challenge de Mallorca.
1957, a Volta ao Sudoeste de España, máis cinco etapas.
1958, a Clasificación por puntos da Volta a España.
1959, a Volta a Cataluña.
1961, a Volta a Levante.
XIRO DE ITALIA: 1954 (45º), 1955 (8º), 1958 (15º, máis unha etapa), 1960 (29º, máis unha etapa).
TOUR DE FRANCIA: 1954 (54º), 1955 (retírase), 1956 (65º) e en 1958 retírase.
VOLTA A ESPAÑA: 1955 (11º), 1956 (retírase), 1957 (10º), 1958 (14º), 1959 (24º), 1960 (7º, máis unha etapa), 1961 (14º) e en 1962 retírase.
ÓTROS RESULTADOS DIGNOS DE MENCIÓN: 1952, segundo no Campionato de España. 1955, segundo na Volta a Andalucía, máis unha etapa, unha etapa no Tour dos Pirineos e unha etapa na Volta a Cataluña. 1956, unha etapa na Bicicleta Eibarresa. 1957, segundo na Volta a Levante, segundo na xeral final, máis unha etapa na Volta a Cataluña e dúas etapas na Volta á Rioja. 1959, terceiro na Bicicleta Eibarresa. 1960, dúas etapas da Volta a Andalucía.
EQUIPOS: 1954, Ideor. 1955, Ignis. 1956, Splendid. 1957, Ignis. 1958-1962, Faema.

Ningún comentario:

Publicar un comentario